Иван Ракитиќ исто како и во осминафиналето со Данска, така и вечерва против Русија ја презеде одговорноста да го изведе последниот пенал, реализирајќи го како тоа да е најлесна работа во светот. А потоа – славјето почна, Хрватска по вторпат во историјата ќе игра мундијалско полуфинале.
„Мислам дека ова е неверојатно, сите сме пресреќни. Во второто полувреме бевме подобри, исто така и во продолженијата. Требаше да ја потврдиме победата, но ете – примивме гол. Не може со нас едноставно, такви сме и тоа е тоа. Како и да е, сега нека гори цела Хрватска, ние сме во полуфинале“ – еуфорично порача Ракитиќ по натпреварот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
