Хјустон и Јута славеа победи во синоќешните дуели од НБА плеј-оф разигрувањето па сега поведоа со 3-1 во сериите против Минесота односно Оклахома.
Хјустон како гостин славеше против Минесота со 100-119 во меч во кој прашањето на победникот беше решено во третиот период во кој Рокитс беа неверојатно постигнувајќи дури 50 поени, и направија разлика од 20-50.
Најефикасен на мечот беше Џејмс Харден со 36 поени, а го следеше Крис Пол со 25 поени и по шест скока и асистенции. Кај Минесота најдобар беше Таунс со 22 поени и 15 скока.
Рутинска победа славеше Јута која на свој паркет беше подобра од Оклахома со 113-96. Домашните губеа по првата четвртина, но се успеаја да променат во продолжението па веќе до полувреме имаа предност (58-52).
Мичел со 33 поени ја носеше Јута до победата, додека кај Оклахома се издвои Џорџ со 32 поени. Вестбрук мечот го заврши со 23 поени и 14 скока.
Петтиот меч во серијата се игра на 26. април а домаќин ќе биде Оклахома, која повеќе нема право на кикс.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА