Ливерпул остана единствен тим со максимален ефект по првите четири кола од Премиер-лигата откако „црвените“ вечерва славеа на гостувањето против Барнли со 0-3. Денешниот триумф беше 13. во низа за тимот на Јирген Клоп во Премиер-лигата, што е нов клупски рекорд за гигантот од „Енфилд“.
Салах промаши две шанси во почетните дваесетина минути, а првиот гол гостите го постигнаа со многу среќа – по обидот за центаршут на Александер Арнолд топката го закачи Вуд, доби чудна парабола и заврши во мрежата. До крајот на полувремето веќе беше 0-2, Фирмино несебично го проигра Мане, кој рутински реализираше во долниот агол од противничкиот гол.
Конечните 0-3 ги постави Фирмино, кој исто така испиша историја станувајќи прв Бразилец што стигнал до бројката од 50 постигнати погодоци во Премиер-лигата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
