Шведскиот интернационалец Златан Ибрахимовиќ игра во голем стил во дресот на Манчестер јунајтед оваа сезона. Иако имаше сомнежи како тој ќе се снајде во Премиер – лигата, а со оглед и на неговите зрели фудбалски години, сепак, Ибракадабра е неверојатен и поставува нови рекорди.
Златан со голот што го постигна на денешното гостување против Лестер, стигна до бројката од 15 погодоци во Премиер – лигата оваа сезона. Постави нов рекорд, како највозрасен стрелец кој постигнал 15 гола, со 35 години и 125 дена.
Исто така, Ибрахимовиќ е првиот фудбалер на Манчестер јунајтед по Робин ван Перси со сезоната 2012/13, кој постигнал повеќе од 20 гола во една сезона, во сите натпреварувања. А до крајот на оваа сезона, има уште многу натпревари…
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
