Српскиот кошаркарски стратег кој ја одведе Словенија до европското злато, Игор Кокошков, е прв кандидат за преземање на клупата на Феникс санс. Кокошков по Европското првенство ја напушти словенечката репрезентација и се врати во Јута џез, каде работи како прв асистент на Квин Снајдер, но сега добива шанса да се докаже и како главен предводник.
Кокошков во тренерската кариера работеше во просториите на „сонцињата“ од 2008 до 2013 година, исто како асистент на Тери Портер, Алвин Џентри и Линдзи Хантер. Според американските медиуми, „санси“ не се единствената опција на Кокошков, 46-годишниот стратег се најде на листата желби на неколку тимови од најсиланта кошаркарска лига во светот.
Кокошков има освоено и шампионска титула во својата кариера како асистент на Лери Браун во Детроит пистонс, кога во 2004 година ја прекинаа доминацијата на ЛА лејкерс предводени од легендарниот Фил Џексон.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА