Нова страница во светската историја на атлетиката беше испишана денеска во Виена, откако Елиуд Кипчоге го заврши маратонот во австриската престолнина за време од 1:59:40 часа. Со тоа, кенискиот атлетичар стана првиот во историјата што успеал да ги урне бариерата од два часа за една маратонска трка, во должина од 42.195 метри.
Кипчоге во изминатиот најавуваше дека е подготвен за таков рекорд што до неодамна се чинеше како недостижен, за денеска да истрча феноменално и да го урне времето што се чинеше како неверојатна бариера за сите маратонци.
Тој ги мина првите пет километри со време 14:14, по 10 километри имаше време од 28:28, на делницата од 15 километри времето на Кипчоге изнесуваше 42:34, на 20 километри – 56:47, на 25 километри 1:01:03, потоа на 30 километри 1:25:30, а кога го мина 40. километар со 1:53:35 беше јасно дека рекордот е на дофат. Кениецот продолжи во ист стил до самиот крај, завршувајќи ја трката за 20 секунди подобро време од „магичната граница“ од два часа.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА