Најдобриот македонски тенисер, Калин Ивановски продолжува со одличните резултати на тениските турнири, откако денеска се пласираше во ново четвртфинале на вториот фјучрс во тунискиот Монастир.
Исто како и пред една недела во полуфиналето, тој овојпат во маратонски натпревар кој траеше повеќе од три часа беше подобар од третиот носител на турнирот, Французинот, Сирил Вандермеш со 2-1, по сетови 5-7, 6-2 и 6-4.
Ивановски во четвртфиналето на турнирот вреден 15.000 американски долари ќе игра против петтиот носител Метју Делаведова од Австралија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА