Шокантна вест стигна од Премиерлигата. После долги години, враќање на титулата, освојување н Лигата на шампионите, Јирген Клоп потврди дека заминува од Ливерпул на крајот од сезоната.
Германскиот тренер ова го соопшти на официјалниот ТВ канал на Ливерпул, каде што потврди дека заминува од клубот.
„Си заминувам по крајот на сезоната. Знам дека ова е шок за многу луѓе во моментов кога ќе го слушнат првпат, но ќе се обидам да го објаснам. Сакам се што е поврзано со овој клуб, се што е поврзано со градот. Ги сакам навивачите, го сакам тимот, моите соработници, се во Ливерпул. Но, тоа што ја носам оваа одлука покажува дека сум убеден дека е вистинската. Се чувствувам како да снемувам енергија. Сега немам проблем, но очигледно веќе подолго време знаев дека ова треба да го кажам во еден момент, и сега сум добро.“, рече Клоп.
Клоп е во Ливерпул од 2015 година. Со тимот ја освои Премиерлигата во 2019/2020, ФА Купот, Супер Купот, Комјунити Шуилд, Лига на шампиони, плус два пати финалист во ЛШ, УЕФА Супер Купот, ФИФА Светското првенство, а играше и финале во Лигата на Европа.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
