Одбојкарската репрезентација на Македонија утре против домаќинот Финска ќе го стартува настапот на Европското првенство. Претседателот на Одбојкарската федерација на Македонија, Петар Јовановски вели дека цел е пласман во вториот круг, а се понатаму ќе биде големо достигнување.
„Второ Европско различен град ист почеток против Финска. Долго и квалитетно се подготвуваме и сигурно сме позрели и поподготвени и верувам дека ќе го поминеме првиот круг. За мене целта на ова првенство е осминафинале, се понатаму е големо достигнување за оваа репрезентација. Почетокот е важен и отворањето против Финска. Верувам дека психички и физички се подготвени да отвориме со победа. Ќе биде тешко затоа што тие се домаќини, но верувам дека ќе го почнеме успешно Европското првенство,“ изјави Јовановски.
Натпреварот меѓу Македонија и Финска кој ќе се игра во Тампере е закажан за утре во 18 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
