Италијанскиот првак Јувентус ќе ја стартува одбраната на шампионската круна во Серија А со натпревар на домашен терен против Калјари. Во првото коло од новата сезона, кое е закажано за 20 август, Рома ќе и гостува на Аталанта, а реновираниот тим на Милан, кој има големи амбиции, ќе оди на гости кај Кротоне.
Џенова на Горан Пандев, на стартот од сезоната ќе има дуел на гостински терен против Сасуоло, а веќе во второто коло ќе го пречека шампионот Јувентус. Новиот калчолигаш Беневенто, чиј член е Никола Јакимовски, во првото коло ќе и гостува на Сампдорија.
Наполи исто така ќе игра на гости, кај новиот калчолигаш Верона, додека за дерби се смета дуелот меѓу Интер и Фиорентина.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
