Јувентус освои само еден бод во последните две кола од Серија А, по што повторно се јавија критичарите на Лучијано Спалети, посочувајќи го токму тренерот како главна причина за слабите резултати во последно време.
Спалети призна дека самиот згрешил кога побарал од своите фудбалери да тргнат и по трет гол со Сасуоло, но наместо тоа Викарио капитулираше по третпат и Јуве го претрпе првиот пораз во новата сезона.
Тренерот барем засега не треба да стравува за својата работа откако првиот човек на клубот, Џовани Карневали, целосно застана зад поранешниот италијански селектор.
„Јас немам навика да менувам тренери, тоа едноставно не е мој стил. Она што треба да го правиме е она што ние во суштина го повлекуваме – да поставиме план и да градиме нешто од почеток. Кога се тргнува од почеток мора да се биде трпелив, да се даде време за да се остави просторот проектот да успее. Лучијано е топ тренер, еден од најдобрите на сите времиња. Искрено, јас не гледам да постои подобар стратег од него и затоа воопшто не размислувам за било какви промени на клупата“, изјави Карневали, кој е генерален менаџер на „старата дама“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
