Фудбалерите на Јувентус ја оправдаа фаворитската улога и со убедливи 5:0 го совладаа НЕК Нијмеген во првото коло во Лигата на Европа.
„Старата дама“ уште во деветтата минута го отвори резултатот преку Николас Гонзалес.
Juventus [1]-0 NEC Nijmegen – Nicolas Gonzalez 9′
by
u/xggq in
soccer
Водството го зголеми Алајбеговиќ во 24-та минута, а дилемите околу победникот беа решени уште во 35-та минута.
Juventus [2]-0 NEC Nijmegen – Kerim Alajbegovic 24′
by
u/xggq in
soccer
Својот дебитантски гол во црно-белиот дрес го постигна Ник Волтермаде од пенал.
Во вториот дел, Челик стрелаше за 4:0, а конечниот резултат го постави Коло Муани во 82-та минута.
Во дербито на вечерта, Бешикташ со 4:1 го совлада Олимпик Марсеј и продолжува со одличните игри на стартот од сезоната со кои ја истакнува кандидатурата за трофеите.
Beşiktaş 1- 0 Marseille – Fakılı 15′
by
u/notaghostofreddit in
soccer
Факили го отвори резултатот во 15-та минута, но на полувреме се замина без предност за една од екипите. Причина за тоа е голот на Абдалах во 29-та минута.
Beşiktaş [2] – 1 Marseille – Cerny 56′
by
u/notaghostofreddit in
soccer
Во второто полувреме, турскиот тим за само три минути ги реши дилемите околу победникот.
Beşiktaş [3] – 1 Marseille – Murillo 59′
by
u/notaghostofreddit in
soccer
Черни во 56-та и Муриљо во 59-та минута двапати ја тресеа мрежата на Де Ланге, и на турскиот тим му ја обезбедија четвртата победа во низа во сите натпреварувања. Убедливиот триумф го потврди Поку во 81-та минута.
Фаворитската улога ја оправдаа и Кристал Палас кој со 4:0 славеше против Лех, и Унион Сен Жил кој како гостин со 3:0 ја победи Викторија Плзењ.
Ференцварош приреди изненадување со триумфот од 1:3 на гостувањето кај Селтик, Трофенсе со 1:2 славеше на гости кај Лилестрем, а Борнмут со идентични 1:2 го победи Реал Сосиедад.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
