Македонскиот првак Вардар синоќа го доживеа најубедливиот пораз во историјата на Лигата на Европа, откако беше декласиран од шпанскиот тим Реал Сосиедад со 0-6. Но, можеби ниту овој резултат не ја отсликува најдобро надмоќта што ја покажа баскискиот состав во дуелот со Вардар.
Статистиката ретко кога лаже, па ги содржи главните елементи за анализа и на овој меч. Имено, Реал Сосиедад имаше неверојатни 32 шута кон голот на Филип Гачевски за 90 минути фудбал на арената „Филип Втори“. Што ќе рече, Вардар речиси и да не ја виде топката во текот на целиот натпревар.
Од овие 32 шута, вардарци успеаја да изблокираат 7, имаа среќа што 12 завршија надвор од рамките на голот на Гачевски, а од 13 кои беа усмерени на вистинското место – дури 6 завршија во мрежата.
Реал Сосиедад на синоќешниот натпревар оствари неверојатен ефект (6.47 xG) на „очекувани голови“ – Expected Goals Value.
Тоа е веројатност на секој шут кон голот да заврши во мрежата, а се определува според неколку фактори, како позицијата од каде е упатен шутот, поставеноста на дефанзивците, како и агресивноста на напаѓачката реакција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА