Македонскиот најдобар тенисер Калин Ивановски не успеа да се пласира во полуфиналето на јуниорскиот турнир на неофицијалното светско првенство во тенис, Вимблдон. Тој во четвртфиналето со 2-1, по сетови 3-6, 7-6 и 6-4 загуби од Шпанецот, Педро Роденас.
Првиот сет Ивановски го отвори на феноменален начин поведувајќи експресно со 4-0. Иако во продолжение Шпанецот заигра далеку подобро, сепак нашиот тенисер успеа да поведе со 1-0 добивајќи го премиерниот сет со 6-3.
Во вториот сет Роденас стигна брзо до два брејка и предност од 5-1. Нашиот тенисер успеа да излезе од кризата и со четири гејма во низа да израмни на 5-5. Двајцата тенисери освоија по еден гејм, по што сетот премина во тај-брејк. Таму Ивановски иако имаше предност од 5-2, го загуби сетот со 5-7, што значеше трет одлучувачки сет. Во третиот сет Шпанецот повторно прв стигна до брејк 1-3, но нашиот тенисер веднаш возврати и израмни на 3-3. Следуваше нов брејк на Шпанецот (3-4) што беше доволен за освојување на сетот со 4-6 и конечен триумф од 1-2.
Во полуфиналето тој ќе игра со третиот носител на турнирот, Хрватот, Мили Полјичак кој во четвртфиналето со 2-1 го совлада Швајцарецот, Килијан Фелдбауш.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА