Ајакс направи ново големо чудо во Лигата на шампионите и го елиминира италијанскиот првак Јувентус. Со фантастична игра, тинејџерите на тимот од Амстердам го совладаа Јувентус со 1-2 среде Торино и заслужено се пласираа во полуфиналето на елитното европско клупско натпреварување. Последен пат тоа на Ајакс му успеа во 1997 година. А тогаш не беше ниту роден Матијс де Лихт, стрелецот на победничкиот гол.
„Не се плашиме од никого, како што видовте. Ние само сакаме да играме фудбал. И за среќа, играме многу добро во овој момент“, изјави Де Лихт по триумфот над Јувентус.
Де Лихт синоќа капитенски го предводеше Ајакс до големиот успех и потврди дека е еден од најголемите таленти во европскиот фудбал. За него наддаваат Барселона, Манчестер Сити, Реал Мадрид, Пари Сен Жермен… Со 19 години е нова голема фудбалска ѕвезда на Стариот континент.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
