Уругвајскиот фудбалер Единсон Кавани и дефинитивно ќе си замине од Манчестер јунајтед на крајот на оваа сезона, како слободен играч, а според последните најави неговата следна дестинација ќе биде шпанската Ла Лига.
Кавани зимава се поврзуваше и со трансфер во Барселона, но до такво нешто не се случи, но Уругваецот има желба да игра во Ла Лига, која би била четврта од петте најсилни лиги во кои би имал настапи извонредниот напаѓач, а само Германија би останала единствена од „лига петка“ во која немал настапи во кариерата.
Кавани беше дел од Палермо и Наполи во Италија пред да се пресели во француски ПСЖ, а сега игра за Јунајтед во Премиер-лигата и амбицијата му е да заигра во шпанското првенство, но засега не е познато во кој клуб.
Инаку од ланското лето имаше најави и за негово заминување во култниот аргентински клуб Ривер плејт, но таква опција е скоро невозможна.
Edinson Cavani is expected to leave Man United in June as free agent – his priority will be to try an experience in La Liga. Spain could be his next destination, but Cavani will only decide in the coming months. 🔴🇺🇾 #MUFC
River Plate, not even an option for Cavani’s future. pic.twitter.com/wjBMJmwPrH
— Fabrizio Romano (@FabrizioRomano) February 12, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА