Ракометарите на Кил славеа на домашен терен против лидерот на табелата Фуксе Берлин (36-29) во дерби натпреварот од 24. рунда во германската Бундеслига. Со овој триумф „зебрите“ се израмнија на врвот на табелата со денешниот противник и ја направија суперинтересна борбата за титулата во германскиот шампионат.
Натпреварот почна фуриозно и на двете страни. Буквално и двата тима погодуваа од секоја позиција, а во оваа игра за нијанса подобри беа домаќините кои на пауза заминаа со предност од два гола 17-15.
Сличен ракомет се играше и во вториот дел, каде повторно подобро се снајдоа избраниците на Филип Јиха кои на крајот стигнаа до конечен триумф од 36-29. Ерик Јохансон со осум гола беше убедливо најдобар поединец во победничкиот табор, додека кај поразените шест постигна Милош Вујовиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
