ЕКИПА во Келн,
Стеван Цаневски
Ракометната репрезентација на Македонија го заврши настапот на Светското првенство во Германија на 15.место. На денешниот дуел, македонските ракометари го совладаа Чиле со 32-30 и победнички го заокружија Мундијалот. Капитенот Кире Лазаров со првична анализа.
„Добија шанса некои млади играчи, почувствуваа како е да се игра на Светското првенство. Сепак, убаво е да се заврши со победа едно вакво натпреварување“, изјави капитенот Кире Лазаров по триумфот над Чиле.
Потоа се осврна и на комплетниот настап на Мундијалот.
„Факт е дека сме една од најмладите селекции на овој Мундијал. Не треба сега веднаш да анализираме, треба да легнат малку работите, но јасно е дека не можеме да бидеме многу задоволни од настапот на Светското првенство. Одигравме и многу натпревари за мал период, така е тоа на турнирски систем. Сепак, не треба сега да оставиме на случајноста, туку напорно да работиме и понатаму за да бидеме подобри во иднина“, истакна Лазаров.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
