Македонскиот репрезентативец Мартин Поповски во следната сезона нема да го носи дресот на Вардар откако десното крило не успеа да се договори со управата на „црвено-црните“ за продолжување на соработката. Поповски веќе преговара со неколку клубови за ангажман за новата сезона, а „вардарци“ во меѓувреме објавија дека младиот Ален Ќосевски (2001 година) ќе биде негов наследник во црвено-црниот дрес.
Ќосевски моментно е дел од кадетската репрезентација на Македонија, која ќе биде домаќин на СП во Скопје, а по завршувањето на кадетскиот Мундијал младиот ракометар ќе му се стави на располагање на тренерот Писонеро.
Од Вардар објавија дека во првиот тим се приклучува и 22-годишниот бек Дејан Кукуловски, кој веќе почна со подготовки со остатокот од екипата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
