Денвер е на добар пат да донесе одлично засилување за наредната сезона откако влезе во завршни преговори за ангажман на Факундо Кампацо. Аргентинскиот плејмејкер ја почна и оваа сезона во дресот на Реал Мадрид, но јасно стави до знаење дека е подготвен да си замине доолку добие интересна понуда од НБА-лигата. Иако претходно беше поврзуван со Далас и со Минесота, раководството на Денвер во изминатиот период направи огромен чекор напред кон ангажманот на Аргентинецот.
Тој е еден од најпродуктивните плејмејкери во Евролигата, минатата сезона имаше просек од 9,9 поени и 7,1 асистенции по натпревар. Кампацо ја презеде улогата на лидер на тимот по заминувањето на Лука Дончиќ во НБА, а „кралевите“ ќе имаат тешка задача да доведат негов наследник среде сезона.
Последниот меч во Евролигата како член на Реал Мадрид аргентинскиот ас ќе го игра утре против екипата на Фенербахче.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
