Раководството на Борусија Дортмунд размислува одново да направи промени во стручниот штаб, односно тренерската позиција. Како главна мета за нов стратег се споменува најдобриот пријател и кум на Јирген Клоп, менаџерот на Хадерсфилд, Давид Вагнер. Челниците на „милионерите“ се задоволни со неговата работа во таборот на „териерите“, Вагнер со иновативни методи и многу малку вложување успеа да го донесе клубот во елитата во Англија, и при тоа да успешно да ја врши задачата во обид да го задржат статусот премиерлигаш.
Она што најмногу ги привлекува е стилот на Вагнер кој потсетува на неговиот пријател. Вагнер и Клоп четири години играа заедно во Мајнц, при тоа беа цимери, а подоцна додека Клоп го водеше првиот тим на Дортмунд, Вагнер раководеше со младинците. Во тој период нивната соработка била константна, па не е ни чудо што делат слични идеи. Токму поради тоа раководството смета дека Вагнер би бил идеален тренер кој конечно ќе може да постави темели на клупата, и да ги води долги низ години.
Со доаѓањето на Питер Штегер се смирија страстите во клубот по оние лоши резултати под водство Питер Бош, сепак ситуацијата не е идеална и по палката на екс-тренерот на Келн. Иако се уште немаат пораз во Бундес – лигата откако Штегер е на клупата, но челниците имаат замерки за неколку изненадувачки резултати против противници кои Дортмунд можеше да ги победи. Исто така замеруваат што Дортмунд не игра атрактивен и напаѓачки фудбал, нешто на што навивачите се навикнаа.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
