ЕКИПА во Берлин,
Стеван Цаневски
Македонската репрезентација славеше со 29-27 над Швајцарија, за прва радост на ЕП 2024 откако нашите ракометари одиграа извонреден натпревар, заслужено совладувајќи ја селекцијата што пред два дена ремизираше со Франција.
Пикерот Милан Лазаревски по мечот вели дека се потврдила неговата изјава од пред неколку дена…
„Честитки до моите соиграчи за настапот, иако имавме одредени падови во играта. Мислам дека психичката стабилност дојде до израз на овој натпревар. Се потврди мојата изјава од пред неколку дена дека оваа репрезентација има квалитет, само потребна е верба. Се надевам дека ова е пресвртница и ќе тргнеме на подобро, но времето ќе покаже“, кажа Лазаревски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА