Лестер беше вистинска сензација минатата сезона во Премиер – лигата, кога успеа да ја освои шампионската титула, но оваа година „лисиците“ се вратија во реалноста и се борат за опстанок во елитното друштво. Се засилија шпекулациите и за евентуална смена на менаџерот Клаудио Раниери, но раководството на клубот излезе со јавна поддршка за италијанскиот стратег.
„Раководството на Лестер има голема доверба во менаџерот Клаудио Раниери и сакаме јавно да ги демантираме сите гласини дека неговото работно место е загрозено. Напротив, Раниери и фудбалерите имаат полна поддршка од сите клупски структури и веруваме дека ќе успеат да ја остварат зацртаната цел, да обезбедат опстанок во Премиер – лигата“, е ставот на англискиот премиерлигаш Лестер.
Овој тим оствари само една победа во последните девет меча од англискиот шампионат.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
