Јужна Кореја го приреди досега најголемото изненадување на женскиот олимписки турнир во Токио откако во четвртфиналето во маратонски меч славеше над големиот фаворит Турција со 3-2 по сетови 17-25, 25-17, 28-26, 18-25 и 15-13.
Турчинките на одличен начин го отворија мечот добивајќи го првиот сет со 25-17. И кога се мислеше дека само рутински ќе стигнат до полуфинале на игрите следуваше огромен пад. Прво Кореја со иста мера возврати во вториот сет, а потоа во третиот славеше на разлика 28-26 и дојде до водство од 2-1. Следеше одговор на Турчинките во четвртиот сет кој го добија 25-18, а во тај-брејкот повеќе умешност и среќа имаа Корејките за полуфинале на игрите во Токио.
Во вториот натпревар од денешната понуда Соединетите Американски Држави рутински славеа над Домениканска Република со 3-0, по сетови 25-11, 25-20 и 25-19.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
