Бостон селтикс до крајот на сезонава ќе мора да се снаоѓа без помошта на својот најдобар кошаркар откако беше обелоденето дека Кајри Ирвинг ќе мора да го пропушти и плејофот, по повредата на коленото што го мачи веќе извесно време.
Врз Ирвинг неодамна беше извршена операција на левото колено и првите информации говореа дека тој би можел да се врати кон средината на плејофот. Сепак, последните детални прегледи покажале дека е неопходна пауза од неколку месеци.
Ова е огромен проблем за селтикси, кои се надеваат на атак на титулата, а моментно се наоѓат на второто место во Источната конференција со скор од 53 победи и 25 порази. Ирвинг во својата прва сезона во дресот на Бостон, по преселбата од редовите на Кливленд, има просек од 24,4 поени и 5,1 асистенции по натпревар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
