Најдобриот македонски тенисер Калин Ивановски на неверојатен начин се пласираше во 2. коло на јуниорскиот турнир на Вимблдон, откако по пресврт со 2-1, по сетови 3-6, 6-4 и 6-2 го победи домашниот тенисер Лука Поу.
Ивановски слабо го отвори натпреварот и Британецот со два брејка успеа лесно да стигне до првиот сет добивајќи го 3-6. Нашиот тенисер со брејк го отвори вториот сет, но следеше нов пад по кој Поу имаше предност од 2-4. Како овој резултат да го изнервира нашиот тенисер па со четири гема во низа успеа да израмни на 1-1.
Фуриозната игра продолжи и во последниот сет кој го доби со 6-2 за конечните 2-1. Во второто коло Ивановски ќе игра со подобриот од дуелот меѓу 11. носител, Мекиканецот Пачеко-Мендез и Белгиецот, Базиле.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
