Лука Модриќ одигра уште еден извонреден натпревар, потврдувајќи ја вонсериската класа и на вечерашната пресметка со Русија.
Тој го диктираше темпото на игра на својата селекција, во текот на мечот по замените на Далиќ во неколку ситуации ја менуваше и позицијата, но беше извонреден „диригент“ на хрватскиот фудбалски оркестар вечерва во Сочи.
Статистиката вели дека тој освоил дури 15 топки, што е израмнување на рекордот на овој мундијал (иста бројка имаше и Марсело во првото коло против Швајцарија), а згора на тоа Модриќ стана првиот хрватски фудбалери со над 100 обиди за додавање (вкупно 102, од нив 89 успешни).
1 – Luka Modrić is the first player to attempt 100+ passes for Croatia in a World Cup game (89/102). Genius. #RUS #CRO #RUSCRO #WorldCup pic.twitter.com/6tMQjUsF1A
— OptaJose (@OptaJose) July 7, 2018
На крајот, во пенал-рулетот тој со многу среќа ја смести топката во мрежата, но Модриќ тоа дефинитивно го заслужи со она што го прикажа во текот на 120-те минути во кои на руските играчи за врска им држеше час по модерен фудбал.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА