Одбојкарската репрезентација на Македонија стигна до првата победа во Златната европска лига сезонава откако на домашен терен славеше над Белгија со 3-1, по сетови (25-21, 25-23, 17-25 и 25-21)
Во првиот сет „црвено-жолтите“ одлично стартуваа и без поголеми проблеми поведоа со 1-0 добивајќи го првиот сет со 25-21.
Во вториот сет Белгија отвори подобро и во неколку наврати имаше предност од три поени, но со фуриозен финиш избраниците на Јошко Миленковски на крајот успеаја да го освојат со 25-23 и да поведат со 2-0 во сетови.
Белгијците конечно заиграа на високо ниво во третиот сет кој на крајот го добија со 17-25 и намалија на 2-1 во мечот во „Борис Трајковски“. Популарните „Спартанци“ одиграа уште еден сет за паметење кој го добија со 25-21 и стигнаа до победа од 3-1. Никола Ѓоргиев со 17 поени беше прво име во нашиот табор.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
