Диего Армандо Марадона повторно крена многу прашина на мундијалот во Русија, отворено говорејќи за трендот на големите репрезентации да натурализираат играчи од помалите земји. Во интервју за ТВ-каналот „Телесур“ од Венецуела, Марадона повика да се направи обид да се најде решение за овој поблем.
„Тоа не е тајна, постои мафија која ги зема младите африкански таленти и од нив прави граѓани на Европа. Видете ја Франција, 70% од жителите се емигранти кои се доселуваат во оваа земја. Немаат избор, доаѓаат од сиромаштија и живеат во услови што не се нормални. Потоа кога ќе им се понудат четири оброци на ден веднаш прифаќаат, дури и ако условот е да го променат државјанството. Ова веќе се случува насекаде, дури и во најголемиите репрезентации. Не се сомневам дека овој мундијал го има најголемиот процент на емигранти на сите времиња“ – истакна Марадона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
