Тренерот на Манчестер Сити, Енцо Мареска, зборуваше за иднината на Родри, кој во последниот период се поврзува со трансфер во Барселона.
Шпанскиот репрезентативец наводно веќе го информирал Манчестер Сити дека сака да го продолжи патот во Барселона, а каталонскиот гигант е во преговори за неговиот потпис. Сепак, „граѓаните“ досега одбиле понуда од околу 45 милиони евра за 30-годишниот играч за врска.
По пријателскиот натпревар против Атлетико Мадрид во Јужна Кореја, кој Сити го доби со 3:1, Мареска беше прашан дали има нови информации за ситуацијата со Родри и дали го очекува неговото враќање во Манчестер.
Одговорот на италијанскиот стратег беше краток и јасен:
„Да, моментално го очекуваме во Манчестер во петок. Нема никакви вести. Ќе се врти на 14. август“, истакна Мареска.
Така, барем засега, во Манчестер Сити очекуваат Родри да се приклучи на екипата на 14 август, и покрај шпекулациите за негов можен трансфер во Барселона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
