Раководството на МЗТ Скопје информираше за одлуката на македонскиот вицепрвак утрешниот меч од АБА2 лигата против Сплит да има и хуманитарен натпревар. Имено, „металците“ активно се вклучуваат во акцијата за помош на Борче Цветановски при обезбедување средства за лекување во странство.
„Станува збор за татко на наш голем навивач и член на групата „Фемили“, кому му е дијагностицирана ретката болест Амилоидоза за која нема лек во Македонија. Лекувањето во странство е прескапо, поради што семејството ќе биде најблагодарно за секоја и најмала помош. Со оглед што влезот за дуелот со Сплит ќе биде бесплатен, управата на клубот реши на оваа средба да постави кутии за донации на повеќе локации во салата „Јане Сандански“ во кои спортските вљубеници ќе може да ја искажат својата хуманост и големо срце. Истовремено, се прават планови за оваа цел да биде дониран приходот од влезниците од некој од следните домашните дуели, за што јавноста дополнително ќе биде информирана. Сето ова, воедно, не е пречка за сите хумани луѓе уште веднаш да се обидат да му помогнат на Борче Цветановски и на неговото семејство во борбата со Амилоидозата со донација на средства на неговата трансакциска сметка : 530500015656921 во Охридска банка“ – се вели во информацијата од аеродромскиот клуб.
Натпреварот меѓу МЗТ Скопје и Сплит на програмата е утре со почеток во 18 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
