Интер Мајами и Сан Диего одиграа 2-2 во МЛС, а во центарот на вниманието повторно беше Лионел Меси, кој го постигна својот 101-ви гол во дресот на клубот од Флорида.
Гостите поведоа во 12. минута. Тверсков го пронајде Андерс Драјер, кој го искористи просторот во одбраната на Мајами и го совлада голманот Дејн Сент Клер за 0-1.
Одговорот дојде преку Меси. Во 24. минута, Аргентинецот изведе слободен удар од десната страна, топката помина низ шеснаесетникот без никој да ја допре и заврши во спротивниот агол. Тоа беше неговиот 20-ти гол во тековната МЛС сезона, продолжувајќи го својот поход кон титулата – ‘Златна копачка’ на лигата.
Free kick goal and it had to be HIM 🤩🤷♂️ pic.twitter.com/4wUhKXNjzL
— Inter Miami CF (@InterMiamiCF) September 20, 2026
Голот имаше дополнителна тежина – тоа беше 101-ви гол на Меси за Интер Мајами, само четири дена откако стигна до јубилејната стотка против Круз Азул во Купот Кампеонес. Тој го постигна и 930-тиот гол во својата сениорска кариера.
Мајами дојде потоа и до целосен пресврт во 74. минута. Родриго де Пол го пронајде Луис Суарез со одлична топка, а Уругваецот постигна гол од прва за 2-1. Тоа беше 13-ти гол во лигата на Суарез оваа сезона, додека Де Пол ја запиша својата 12-та асистенција.
Сепак, домаќините не можеа да ја зачуваат предноста. Дрејер го постигна својот втор гол во 82. минута и му донесе бод на Сан Диего – 2-2. Меси имаше уште две шанси во судиското продолжение, но голманот Си Џеј дос Сантос ги одбрани неговите удари.
Ова беше четвртиот едноподруго нерешен резултат за Интер во МЛС. Мајами сега има скор од 12 победи, десет нерешени резултати и четири порази, или 46 бода, за моментално второ место во Источната конференција, зад Нешвил, со забелешка дека распоредот на одиграни натпревари не е целосно изедначен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
