Сензацијата на минатата сезона во шпанското првенство, Гирона не се прослави на стартот на новата сезона. По ремито со Бетис, избраниците на Мичел загубија убедливо од Атлетико Мадрид со 3-0.
Шпанскиот стартег по натпреварот им порача на неговите фудбалери да ги заборават славните моменти од претходната сезона и да се фокусираат на престојните предизвици бидејќи мала е веројатноста дека ќе го повторат успехот.
„Тоа е еден од предизвиците што ги имам како тренер, да ја изнесам најдобрата верзија на секој играч, почнувајќи од нула. Никој не треба да мисли дека нашата цел е повторно да завршиме на третото место.
Секогаш ќе не споредуваат со порано, но јасно ни е дека сме тим кој мора да работи со понизност. Мораме да продолжиме да се подобруваме затоа што сакаме да бидеме подобри од минатата година. Ќе се трудиме, но мораме цврсто да стоиме на земја“, вели Мичел.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
