Динамо Загреб е познат по „производството“ на врвни талентирани фудбалери што хрватскиот првак потоа за милионски суми ги продава на европските гиганти, а еден од првите кои би требало да си заминат следното лето е Ловро Мајер.
Станува збор за 22-годишен фудбалер за врска кој во татковината го доби прекарот „новиот Модриќ“, а кој се наоѓа многу високо на листата со желби на Милан. Италијанскиот гигант се повеќе почнува да инвестира во млади и талентирани играчи наместо да дава огромни плати на скапи „ѕвезди“, а Мајер одлично се вклопува во таа клупска политика на „росонерите“.
Скаути на овој клуб го следеле младиот плејмејкер и на последниот меч од Лигата на Европа меѓу Динамо Загреб и Феенорд, каде Мајер беше меѓу најдобрите поединци на теренот. Се најавува преговорите официјално да почнат во текот на следниот месец, но дури и во случај на потпис на договор до јануари, Мајер би останал на „Максимир“ до крајот на сезонава, по што во јули 2021 година би се преселил на „Сан Сиро“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
