Купопродажбата на доминантниот дел на акциите во Милан ќе биде комплетирана на 3 март, а со неа Силвио Берлускони ќе добие далеку помалку пари од она што првиот човек на „росонерите“ го најавуваше досега. Весникот „Газета дело спорт“ открива дека во Хонг Конг изминатата седмица дошло до состанок меѓу Берлускони и конзорциумот „Sino Europe Sports’ од Кина, при што биле договорени и последните детали од трансакцијата.
Серијата слаби резултати придонесе Милан повторно да се оддалечи од битка за место во ЛШ, што се одрази и врз цената на акциите. Според „Газета“, поранешниот италијански премиер ќе заработи 320 милиони евра, сума речиси двојно пониска од 600-те милиони евра што Берлускони ги бараше на стартот од разговороите.
Официјализацијата на договорот се очекува да се случи на 3 март, со што новите газди би имале неколку месеци за да се адаптираат и да се подготват за претстојниот преоден рок, за кој најавуваат инвестиција од 100 милиони евра за ангажман на некоолку квалитетни засилувања.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
