Македонскиот вицепрвак МЗТ Скопје Аеродром вечерва му гостува на поранешниот европски шампион Сплит (19 часот), во меч од 17. коло од АБА2-лигата. Избраниците на Ѓорѓи Кочов врзаа две победи во низа и во ист стил сакаат да продолжат и во Хрватска, во салата „Грипе“.
„Доаѓаме во градот кој има оставено траен белег во европската кошарка и играме против клуб со огромна традиција. Екипата на Сплит има големи проблеми со повредите во текот на сезоната, но и покрај тоа покажа дека можат со секого да се надигруваат дури и без клучните играчи во ростерот. Наше е да излеземе крајно мотивирани и да пробаме да ги искористиме сите слабости на противникот кои ги знаеме. Ако успееме во тоа тогаш ќе можеме да победиме во пресметката со еден крајно незгоден и квалитетен противник“, истакнува тренерот Ѓорѓи Кочов.
МЗТ Скопје Аеродром и на овој меч ќе настапи без стартниот плејмејкер, Лестер Медфорд, но радува фактот дека сите останати кошаркари му се на располагање на стручниот штаб, вклучувајќи го центарот Љубомир Младеновски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
