Селекторот на БиХ, Сергеј Барбарез, брутално ги критикуваше сите оние кои се сомневаа во неговите методи на работа на клупата на националниот тим.
Босна и Херцеговина е позната како земја на милиони селектори. Секој знае како некој друг треба да си ја врши работата, особено водењето на фудбалската репрезентација.
Поради тоа, критикуван беше и селекторот на репрезентацијата, Сергеј Барбарез, кој сега одлучи јавно да ги повика сите „експерти“.
„Зарем е важно кој го започна мечот, кој влезе, кој постигна гол и кој бранеше? Зарем е важно што велат „експертите“? Зарем е важно дали ни е дозволено да играме со двајца напаѓачи или кој играч „мора“ да игра“? Дали сме „просечен“ тим или дали „мора“ да победиме сè со 3-0? Или, зарем е точно тоа „дека не можеме да си го дозволиме ова и против Американците“…? Ние испишавме фудбалска историја, и ги направивме луѓето посреќни и погорди од било кога. Ги обединивме луѓето, и создадовме нови идоли…“ – напиша Барбарез на социјалните мрежи и дополни:
„Не е ли важно да сонуваме? Не е ли важно да сме заедница? Не е ли важно што знамето на нашата Босна и Херцеговина се вее на најголемата фудбалска сцена во светот веќе еден месец? Не е ли важно да „создадеме“ посветла иднина? Не е ли важно да сме горди? Радувај се, Босна и Херцеговина. Радувајте се со сето срце“, е пораката на тренерот Барбарез.
Уште од самиот почеток на својот мандат, Барбарез повторуваше дека не го интересира индивидуалната статистика, туку само тимот и емоциите што националниот тим ги буди кај луѓето.
Токму затоа е најмногу погоден од коментарите на оние кои секој натпревар го сведуваат на тоа кој требало да игра наместо некој друг. Како што вели, фокусот се губи од она што е суштината, претставувањето како симбол на државата и заедничкиот сон.
Од друга страна, тренерот е свесен дека секогаш мора да има критика и дека навивачите имаат право да ја изразат. Сепак, тој смета дека во последно време премногу простор им се дава на самопрогласените експерти кои се подготвени да срушат сè што е добро направено по едно лошо полувреме или резултат.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
