Манчестер Јунајтед влегува во последна офанзива по потписот на Џејдон Санчо, фудбалер за кого е заинтересиран уште од минатото лето. „Црвените ѓаволи“ сакаат да го договорат одличниот англиски репрезентативец пред почетокот на Европското првенство.
Тимот од „Олд Трафорд“ ќе испрати понуда до Борусија Дортмунд од 90 милиони евра, сума која што сметаат дека е доволна за неговите услуги. Џејдон Санчо во Борусија Дортмунд е од 2017 година. За „милионерите“ досега запиша 102 настапи на кои постигна 38 гола.
Своето деби за репрезентацијата на Англија го имаше во 2018 година, а досега на 18 натпревари постигна три гола за „гордиот албион“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА