Наџи Шенсои треба да го наследи Александар Таневски на кормилото на македонскиот фудбалски прволигаш Македонија Ѓорче Петров. Раководството на „лавовите“ веќе го контактирало Шенсои и тој треба во наредните два дена да биде промовиран во нов стратег на Македонија ЃП. Со тоа повторно ќе се спои тандемот со Благоја Кочевски, кој сега е технички директор на Македонија ЃП, а во сезоната 2016/17 двајцата беа дел од Пелистер, кога битолскиот тим го освои Купот на Македонија.
Во богатата тренерска кариера Наџи Шенсои беше тренер и на бугарските тимови Вихрен, Пирин, Локомотив Пловдив, Славија Софија, како и на албанските клубови Билиш Балш и Кукс.
По ремито со Борец во Велес, а по серија од седум натпревари без победа, досегашниот тренер на Македонија ЃП, Александар Таневски, поднесе оставка.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
