Фудбалерот чие семејно богатство се мери во милијарди долари, Фаик Болкијах, остана без клуб. По истекот на договорот со тајландскиот тим Рачабури, 28-годишниот фудбалер стана слободен играч и е во потрага по нов тим.
Болкијах во младинските категории играше за академиите на Саутемптон, Челси и Лестер, а професионалната кариера ја продолжи во португалскиот тим Маритимо. Потоа, се пресели во тајландскиот шампионат каде настапуваше за два тима, Чонбури и Рачабури.
Сепак, Болкијах, далеку поголемо внимание во јавноста предизвикува со неговото потекло. Тој е син на принцот од Бутан, Џефри Болкија и внук на султанот на Брунеи, а семејното богатство се проценува на 18.6 милијарди долари.
Тој е роден во Лос Анџелес, има двојно државјанство, на Брунеи и на САД, а за селекцијата на Брунеи досега настапи на шест натпревари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
