Вистинска лудница се случуваше во Оклахома, по големата победа против Голден Стејт со 108-91, во синоќешниот натпревар во НБА лигата. Кевин Дурант се врати во Оклахома во гостинска улога и запиша 21 поен и одново беше пречекан со свирежи од публиката која се уште не може да му ја прости преселбата во Голден Стејт.
Во домашниот состав блескаше Вестбрук со 34 поени, 10 скока и девет асистенции, Ентони додаде 22 поени, а Џорџ запиша 20 поени.
Мајами го победи Бостон со 104-98 и ја прекина серијата од 16 победи на „селтикси“. Дури 53 поени или половина од вкупниот скор на Мајами ги постигнаа заедно Горан Драгиќ (27) и Дион Вејтерс (26).
Во калифорниското дерби, Сакраменто славеше против ЛА лејкерс со 113-102. „Кралевите“ во победата ги предводеа Вили Стајн со 26 поени и шест скока и Зек Рендолф со 22 поени, седум скока и седум асистенции.
Кај лејкерси најефикасни беа Кентевијус Колдвел-Поуп со 20 поени, Кузма со 17 и Кларксон со 15.
Резултати:
Шарлот – Вашингтон 129-124
Кливленд – Бруклин 119-109
Филаделфија – Портланд 101-81
Алтанта – ЛА клиперс 103-116
Мајами – Бостон 104-98
Њујорк – Торонто 108-100
Хјустон – Денвер 125-95
Мемфис – Далас 94-95
Минесота – Орландо 124-118
Њу Орлеанс – Сан Антонио 107-90
Оклахома сити – Голден Стејт 108-91
Феникс – Милвоки 107-113
Јута – Чикаго 110-80
Сакраменто – ЛА лејкерс 113-102
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА