Бразилецот Нејмар е подготвен да донесе крупна одлука со која ќе остави неверојатен договор од 150 милиони евра годишно во Ал Хилал во Саудиска Арабија, како повторни би потпишал за Барселона.
32-годишната бразилска ѕвезда со срцето секогаш е во Барселона каде настапуваше од 2013 до 2017 година. Летото 2017 се одлучи да се пресели во ПСЖ за рекордни 222 милиони евра. Но, Нејмар никогаш не се опорави од заминувањето од каталонскиот тим, и воопшто не беше задоволен во Париз.
Сега би се откажал од 150 милиони евра годишно, но за него парите сега воопшто не се важни. Барселона не може да му понуди висока плата, но Нејмар е подготвен да игра за многу помалку пари. Тој во моментов е „тежок“ 250 милиони долари, и токму поради тоа не чезнее по парите.
За време на својот четиригодишен престој во Каталонија, Нејмар имаше феноменален ефект од 105 гол и 76 асистенции во 186 настапи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
