Реал Мадрид долго време се мачеше да го скрши отпорот на Аталанта во синоќешниот дуел од Супер-купот на Европа, но тогаш работите во свои раце ги презеде Винисиус.
Бразилецот маестрално мина по левата страна и несебично го проигра во празно Валверде, кој немаше тешка задача од непосредна близина да ја спроведе топката во мрежата.
Со тоа, Винисиус ја продолжи серијата одлични настапи на финалните натпревари во дресот на Реал, откако пред неколку месеци беше стрелец во победата од 2-0 над Борусија Дортмунд во мечот за трофејот во Лигата на Шампионите. Бројките на Бразилецот се навистина неверојатни, тој досега има одиграно 11 финални средби за Реал, при што учествувал во 11 гола за „кралевите“ (седум гола и 4 асистенции).
Особено импресивно се последните пет финалиња на Винисиус, во кои тој има дури шест гола и три асистенции за Реал во жетвата на трофеи на шпанскиот фудбалски гигант.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
