Македонските одбојкари се силно мотивирани за поправање на впечатокот од првите два настапи на Европското првенство и поразите од Финска и од Холандија, иако денеска ги очекува повеќе од тешка задача во третиот натпревар од Групата Ц против силната селекција на Турција.
Турците, наспроти нашите два порази на стартот, имаат две победи. Откако славеа над Русија во првото коло, четата на Озбеј се радуваше и против Шанија со 3-1 и се наоѓа на второто место во групата зад Холандија.
За македонскиот состав дополнителен проблем претставува повредата на Маџунков, како и отсуството на примачот Столе Илиев кој мора да биде во изолација поради сомнителен ПЦР-тест на коронавирус. Сепак, има мотив во репрезентацијата за максимално надигрување со противникот.
Натпреварот меѓу Македонија и Турција се игра во „Хакаметска“ арена со почеток од 13 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
