Њукасл вечерва ја шокираше фудбалската јавност со официјализирањето на својот нов стратег. На клупата на „страчките“ седнува младиот германски стручњак Матијас Јајсле, кој пристигнува како замена за Еди Хау, по неговото заминување од клубот минатата недела.
Роден во 1988 година, Јајсле веќе со години важи за еден од најперспективните тренери на стариот континент. Тој стекна огромна афирмација на клупата на Ред Бул Салцбург, каде уште во својата дебитантска сезона ја освои двојната круна, бележејќи забележителни резултати и во европските купови.
Во летото 2023 година, Германецот се пресели во Саудиска Арабија како предводник на Ал-Ахли. Таму ја потврди својата класа освојувајќи две последователни титули во азиската Лига на шампиони, со што си го трасираше патот за голем повратнички трансфер во Европа. Раководството на Њукасл верува дека токму неговиот модерен и амбициозен пристап е почеток на една нова, успешна ера за клубот.
We’re delighted to announce the appointment of Matthias Jaissle as Newcastle United head coach. ✍️
Welcome to the club, Matthias! 🖤🤍 pic.twitter.com/C1kNstwg8X
— Newcastle United (@NUFC) August 5, 2026
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
