Пјер-Емерик Обамејанг е нов играч на Барселона, откако синоќа во 11:58 го комплетираше договорот со „Каталонците“, односно ги имаше сите потребни документи за да го направи овој трансфер.
Габонецот ќе потпише договор до 2023 година, а Обамејанг ќе заработува многу помалку од она што го имаше во Арсенал. Во Лондон напаѓачот имаше плата од 18 милиони евра годишно, нешто за кое во Барселона само може да сонува. Клубот во овој момент не може да одвојува толку за плати, па така Габонецот се откажал од голем дел од своите примања. Претседателот на Барселона Лапорта, само го подигна палецот кога го прашаа за Обамејанг.
Во исто време во Барселона остана и Усман Дембеле, кој не успеа да најде ангажман.
🤣 Laporta en estado puro 💪🎉. El presidente del Barça, eufórico, tras lograr el fichaje ✍️ de @Auba en la recta final del mercado de fichajes #MarcaTransfer pic.twitter.com/MoQ2WEedUc
— MARCA (@marca) February 1, 2022
Од друга страна, во Англија, на Ливерпул му пропадна трансфер во последните мигови. „Црвените“ беа блиску до ангажман на Фабио Карваљо од Фулам. Меѓутоа двата тима не успеаја да ја завршат бирократската процедура до полноќ, па така Карваљо останува во Фулам.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
