Женската одбојкарска репрезентација на Македонија претрпе уште еден пораз во рамките од Сребрената европска лига, овојпат губејќи на домашен терен од селекцијата на Летонија со 0-3 во сетови. Нашите одбојкарки имаа убава можност да освојат сет на самиот почеток, откако во неизвесна завршница загубија со 23-25, по што немаа сили да продолжат во ист ритам и во остатокот од денешниот натпревар.
Првиот сет донесе израмнета битка во која двете селекции се менуваа во водство. Летонките први посериозно се одлепија поведувајќи со 23-19, но Македонија со неколку одлични поени стигна до 24-23. Во клучниот поен нашите одбојкарки имаа два напади што не успеаја да ги претворат во израмнување, по што гостинките триумфираа со 25-23.
Ритамот на игра на македонскиот национален тим падна во наредниот дел од мечот, па така Летонија го доби вториот сет со 25-18, по што противничките рутински го добија и третиот, славејќи со 25-18, за максимална победа од 3-0 на овој натпревар.
Женската одбојкарска репрезентација својот меч од третото коло ќе го игра на 3 јуни, повторно на домашен терен, против селекцијата на Естонија, која има две победи по првите две рунди во групата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
