Јошко Гвардиол ги разреши сите дилеми околу иднината откако денеска го потпиша новиот договор со Манчестер Сити. Хрватот се наметна како еден од најдобрите дефанзивци во Премиер-лигата во последните години, но пропушти значаен дел од ланската сезона поради тешка повреда на коленото.
Гвардиол летово беше желба на гиганти како Реал Мадрид и Баерн Минхен, но хрватскиот репрезентативец покажа лојалност, даде приоритет на преговорите со Сити и денеска потпиша нов договор со важност до јуни 2031 година.
“Од првиот момент кога Сити покажа желба да ја продолжиме соработката, јас знаев дека тоа е она што и ја го сакам. Фановите се фантастични кон мене од првиот ден, клубот прави се за своите фудбалери и говорам искрено кога велам дека не постои место каде што би сакал да играм освен Манчестер Сити“, изјави Гвардиол по потписот на договорот.
Тој е член на Манчестер од летото 2023 година кога пристигна од редовите на Лајпциг. Оттогаш, тој има 122 настапи за Манчестер Сити, притоа постигнувајќи 13 погодоци.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
