Страхиња Јокиќ, постариот брат на српскиот кошаркар Никола Јокиќ, е осуден на една година условна казна откако се изјасни за виновен за нарушување на јавниот ред и нелегален влез на теренот.
Тој доби условна казна за инцидент што се случи за време на натпреварот помеѓу Денвер Нагетс и Лос Анџелес Лејкерс во април 2024 година.
Инцидентот се случил на трибините на „Бол Арена“ во Денвер, кога Страхиња го удрил навивачот на Лејкерс, Николас Мајер, што беше снимено во видеа кои се проширија низ социјалните мрежи. Првично беше обвинет за напад од трет степен, но подоцна постигна договор со обвинителите за признавање на вина и се изјасни за виновен за помали обвиненија.
Според Канцеларијата на окружниот обвинител на округот Денвер, Мејер тврдеше во тужбата дека ударот му предизвикал потрес на мозокот, исеченици, модринки и искривен нос. Страхиња Јокиќ тврдеше дека реагирал за да заштити постар пријател.
Страхиња (43) и неговиот брат Немања одиграа клучна улога во запознавањето на Никола Јокиќ со светот на кошарката, а самиот Никола постојано нагласуваше колку неговите браќа му биле поддршка и инспирација во развојот на неговата кариера.
Nikola Jokic’s older brother Strahinja threw a punch at a fan following the Nuggets’ 20-point comeback win vs. the Lakers 👀
(via cgallegos67/TT)pic.twitter.com/gjYzt7c1kE
— ClutchPoints (@ClutchPoints) April 23, 2024
Никола Јокиќ (30), центар на Денвер Нагетс и трикратен МВП на НБА, моментално е еден од најдобрите кошаркари во светот, а овој инцидент не е прв пат неговото семејство да биде во центарот на вниманието надвор од спортските терени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
