Германскиот бундеслигаш Шалке 04 на 16.февруари ќе му гостува на ПАОК во Солун, во рамките на Лигата на Европа, а во позадина на овој дуел се споменуваат и Вардар и Македонија. Германскиот клуб им препорача на своите навивачи кои ќе патуваат во Грција за да го бодрат тимот, на инсистирање на ПАОК и неговите фанови, да не носат знамиња и транспаренти поврзани со Македонија и со Вардар. Тоа би можело да биде окарактеризирано како провокација и да предизвика дополнителни проблеми меѓу двете навивачки групи.
„УГЕ“, навивачката група на Шалке 04, е збратимена со „Комити“, фановите на Вардар, и на нивната трибина многу често се појавуваат знамиња и транспаренти од Македонија и од Вардар.
„На влезот за секторот 8, каде ќе бидат сместени навивачите на Шалке 04, ќе има строга контрола и нема да бидат дозволени симболи на Вардар, како и знамиња на Македонија. Транспарентите на Шалке 04 ќе мора да бидат сместени на самата трибина“, пишува во дел од препораките што ПАОК ги испрати до Шалке 04.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
